Старшыня КНР Сі Цзіньпін заклікаў да паляпшэння транспартнай інфраструктуры ў Тыбецкім аўтаномным раёне ў мэтах садзейнічання рэгіянальнаму развіццю.

Згадаўшы 60-ю гадавіну з дня ўводу ў эксплуатацыю аўтадарог Сычуань-Тыбет і Цінхай-Тыбет, Сі Цзіньпін назваў гэтыя два праекты цудам дарожнай гісторыі.

"Гэтыя дзве аўтастрады адыгралі важную ролю ў садзейнічанні сацыяльна-эканамічнаму развіццю Тыбета, а таксама ў аб'яднанні далёкіх ускраін Паўднёва-Заходняга Кітая", – адзначыў Сі Цзіньпін ў лісце, апублікаваным сёння.

На канец 2013 года даўжыня аўтадарог у Тыбеце дасягнула 48,678 тыс. км. Як адзначаецца ў апублікаванай Міністэрствам транспарту КНР у мінулым месяцы праграме па развіцці транспарту ў Тыбеце, улады Кітая плануюць да 2020 года давесці агульную працягласць аўтадарог у Тыбеце да 110 тыс. км, чыгунак – да 1300 км, і звязаць усе вёскі раёна аўтадарожнай сеткай.

У гэтых мэтах Міністэрства транспарту гатова павялічыць падтрымку будаўніцтва транспартнай інфраструктуры ў Тыбеце і распрацаваць канкрэтныя планы для выканання пастаўленых задач. - Р -