Прэзідэнт ЗША Барак Абама ў сераду выказаў упэўненасць у здольнасці ЗША не дапусціць выхаду з пад кантролю сітуацыі з распаўсюджваннем віруса Эбола, а таксама пацвердзіў, што верагоднасць успышкі ліхаманкі Эбола ў ЗША вельмі малая.
Пасля сустрэчы з прадстаўнікамі адміністрацыі, якія адказваюць за барацьбу са смяротным захворваннем, Б. Абама адзначыў, што ў сітуацыі па барацьбе і кантролі за распаўсюджваннем віруса Эбола намеціліся станоўчыя тэндэнцыі, у сувязі з гэтым ён выказаў асцярожны аптымізм з нагоды барацьбы з вірусам у Амерыцы.
Паводле яго слоў, больш за 40 чалавек, якія маглі цесна кантактаваць з першым пацыентам Томасам Дунканам, што памёр ад Эболы, выпушчаныя з-пад каранціну; а дзве медсястры, якія заразіліся пры даглядзе за ім, ідуць на папраўку; двое хворых на ліхаманку Эбола, што вярнуліся з Афрыкі ў ЗША, ўжо выпісаліся з бальніцы на гэтым тыдні. Акрамя таго, Сусветная арганізацыя аховы здароўя абвясціла, што ў Ліберыі і Сенегале ўдалося ўзяць пад кантроль распаўсюджванне ліхаманкі.
Прэзідэнт падкрэсліў, што амерыканцы могуць пакласціся на медыцынскую інфраструктуру сваёй краіны, а ЗША змогуць утрымаць распаўсюджванне віруса Эбола. --0--