Цэнтральная камісія КПК па праверцы дысцыпліны 14 студзеня заклікала ўмацаваць міжнароднае супрацоўніцтва па вяртанні збеглых карумпаваных чыноўнікаў і незаконна атрыманых імі грашовых сродкаў.
Карумпаваных чыноўнікаў неабходна затрымаць і пакараць у рамках закону, падкрэсліваецца ў камюніке пятага пленума Цэнтральнай камісіі КПК па праверцы дысцыпліны 18-га склікання, які закрыўся 14 студзеня раніцай.
Дысцыплінарна інспекцыйныя органы павінны ўдасканальваць кааперацыйны механізм, узмацняць судовую дапамогу і ўзаемадзеянне па выкананні закону з зацікаўленымі краінамі і рэгіёнамі свету ў мэтах раскрыцця буйных спраў, гаворыцца ў камюніке.
Гэтыя органы таксама абавязаны ўмацоўваць заканадаўча-прававую аснову, стымуляваць ўвасабленне ў жыццё Пекінскай антыкарупцыйнай заявы, прынятай на пасяджэнні АЦЭС у лістападзе 2014 года ў Пекіне, а таксама прымаць дзейсныя меры для прадухілення ўцёкаў "праблемных" чыноўнікаў, адзначаецца ў дакуменце. 0-