Беларусь зацікаўлена ў актывізацыі міжпарламенцкага супрацоўніцтва з Кітаем. Пра гэта заявіў старшыня Савета рэспублікі Нацыянальнага сходу Беларусі Міхаіл Мясніковіч на сустрэчы з паслом КНР у Беларусі Цуй Цімінам.
Беларускі бок накіраваў старшыні Пастаяннага камітэта Усекітайскага сходу народных прадстаўнікоў адпаведнае запрашэнне наведаць з візітам Беларусь. "Мы разлічваем на ваша садзейнічанне ў гэтым пытанні, каб візіт адбыўся ва ўзгодненыя тэрміны", - адзначыў М. Мясніковіч, звяртаючыся да кітайскага пасла.
Старшыня Савета рэспублікі Беларусі падкрэсліў пераемнасць беларуска-кітайскіх адносін па лініі як парламента, так і ўрада.
Кітайскі пасол, у сваю чаргу, адзначыў, што кітайскі бок надае вялікую ўвагу развіццю кітайска-беларускіх адносін і супрацоўніцтва ў розных сферах і напрамках. Дыпламат падкрэсліў, што Кітай таксама зацікаўлены ва ўмацаванні міжпарламенцкага супрацоўніцтва. --0--