Асноўныя звесткі:

Агульная плошча -- 720 тыс. кв. м; палацавы комплекс налічвае 8,707 пакояў (паводле легенды 9,999). Аточаны сцяной даўжынёй 3400 м. і рвом з вадой, які называецца «Залатая вада». У яго ўзвядзенні прымалі ўдзел мільён будаўнікоў і 100 тысяч іншых спецыялістаў – майстроў разьбы па камяні, дрэве, мастакоў і г.д. Вядзе туды з плошчы Цяньанмынь Брама Нябеснага Спакою. Забаронены горад будаваўся па ўказанні імператара Чжу Дзі, які рыхтаваўся перанесці сталіцу з Нанкіна ў Пекін. У той жа самы час імператар разгарнуў другі параўнальны па маштабах праект: будаўніцтва комплексу даоскіх храмаў і манастыроў на гары Уданшань, якія, зрэшты, ён так і не наведаў.

У Цінскую эпоху многія імператары наведваліся ў Забаронены горад толькі для фармальных прыёмаў, а большы час праводзілі за горадам, у Летнім палацы або палацы Юаньміньюань.