Палацавы музей

Пасля звяржэння цінскай дынастыі ў 1911—1912 гг. і высялення апошняга імператара Пу І з палаца сіламі генерала Фэн Юйсяна ў 1924 г., вялізная калекцыя прадметаў мастацтва, сабраная мінскімі і цінскімі імператарамі (каля 1,17 мільёнаў адзінак захоўвання, паводле вопісу, праведзенага ў 1925 годзе), перайшла ў рукі рэспублікі. На іх аснове 10 кастрычніка 1925 года ў былым імператарскім палацы быў створаны адпаведна названы музей (кіт. 故宫博物院, піньінь Gùgōng Bówùyùan, палл. Гугун Боўюань, літаральна «Музей „Былы імператарскі палац"»), часта вядомы і на іншых мовах як Музей «Гугун». (Зрэшты, у музея быў значна меньшага памеру папярэднік, адчынены ў адным з будынкаў палаца -- Зале Баявой Славы (Wuying Dian) — ужо ў 1914 г.)