Завяршыўся больш чым двухтыднёвы каранцін, якому падвергнуліся кітайскія касманаўты Не Хайшэн, Чжан Сяагуан і Ван Япін, якія выконвалі палёт на касмічным караблі "Шэньчжоу-10".

Касманаўты знаходзіліся на карантыне ўвесь час пасля вяртання на Зямлю. Гэта неабходная мера для аднаўлення арганізма і паўторнай адаптацыі да зямной гравітацыі. Медыкі кажуць, што цяпер псіхічны стан касманаўтаў ацэньваецца як добры, усе фізічныя паказчыкі ў норме, вага адноўлена да перадпалётнага ўзроўню.