Румынскі бок, па словах кітайскага прэм'ера, выступае ў якасці важнага "апорнага пункта" супрацоўніцтва паміж КНР і краінамі Цэнтральнай і Усходняй Еўропы і ажыццяўлення кітайска-еўрапейскага ўзаемадзеяння. Адносіны двухбаковага супрацоўніцтва паміж Пекінам і Бухарэстам маюць шырокія перспектывы.

У сувязі з гэтым Лі Кэцян выступіў з пэўнымі ініцыятывамі. Ён сказаў, што Кітай і Румынія павінны садзейнічаць узмацненню ўзаемнага палітычнага даверу. Неабходна ўлічваць ўзаемныя памкненні і інтарэсы, праяўляць адзін да аднаго павагу, пашыраць сферу агульных інтарэсаў. У наступным годзе спаўняецца 65 гадоў з моманту ўстанаўлення кітайска - румынскіх дыпламатычных адносін , што будзе спрыяць паляпшэнню перспектыў у рамках двухбаковых сувязяў .

У сувязі з тым , што і Кітай, і Румынія выказваюць сваю зацікаўленасць у ажыццяўленні двухбаковага супрацоўніцтва, варта пашыраць маштабы кітайска-румынскага гандлю, павышаць узровень міжгаліновага супрацоўніцтва. Трэба актывізаваць узаемадзеянне ў такіх напрамках, як сельская гаспадарка, энергетыка, сфера тэлекамунікацый, авіяцыя, фінансы, шляхам сумесных намаганняў спрыяючы стварэнню сумеснай эканоміка- тэхналагічнай зоны. Неабходна ствараць умовы для павелічэння аб'ёмаў узаемных капіталаўкладанняў.