Кітай мае намер рэфармаваць сістэму выкарыстання замежных інвестыцый і рэгулявання кітайскіх інвестыцый у замежную эканоміку. У аснове змяненняў ляжа ўвядзенне негатыўнага пераліку і прадастаўленне замежным інвестарам магчымасці працаваць у рамках нацыянальнага рэжыму на даінвестыцыйнай стадыі. Пра гэта заявіў прадстаўнік Міністэрства камерцыі КНР на міжнародных гандлёвых перамовах, намеснік міністра Чжун Шань, які выступіў у нядзелю на форуме развіцця Кітая-2014.
Паводле яго слоў, пры дзеючай сістэме асноўным спосабам кантролю і рэгулявання замежных інвестыцый з'яўляюцца працэдуры разгляду і зацвярджэння праектаў, а таксама дырэктыўны спіс галін з прыцягненнем знешніх капіталаў; "гэтыя працэдуры доўгія, і іх трэба змяніць".
Што тычыцца перамоў аб свабодным гандлі, павышаны інтарэс да якіх назіраецца ва ўсім свеце, намеснік міністра заявіў, што тут Кітай прытрымліваецца прынцыпаў адкрытасці, інклюзіўнасці і празрыстасці. Ён таксама адзначыў, што гэтыя перамовы павінны не толькі быць карыснымі для ўдзельнікаў працэсу, але і ўвасабляць падтрымку шматбаковай гандлёвай сістэмы і адпаведных правіл. - Р -