Мінскі універсітэт трэцяга ўзросту ўжо другі год набірае слухачоў. Пра гэта ў сераду паведамілі мясцовыя СМІ.
Праект стартаваў у Мінску ў мінулым годзе. Запіс ва ўніверсітэт робіцца для людзей ва ўзросце ад 60 гадоў і старэй. Навучальная ўстанова мае тры асноўныя факультэты: журналістыкі, кампутарны, замежныя мовы / англійская і нямецкая /, а таксама факультэт дадатковай адукацыі, дзе можна вывучыць асновы псіхалогіі, заняцца краязнаўствам. Адукацыя бясплатная, заняткі праводзяць студэнты-валанцёры.
У мінулым навучальным годзе дыпломы аб заканчэнні ўніверсітэта трэцяга ўзросту атрымалі больш за тысячу пажылых студэнтаў. --0--