Намеснік пастаяннага прадстаўніка Кітая ў ААН Ван Мінь заявіў у штаб-кватэры арганізацыі ў Нью-Ёрку, што СБ ААН у сваёй дзейнасці павінен падтрымліваць дэмакратычныя кансультацыі і калектыўныя рашэнні, цалкам выконваць прынцыпы справядлівасці і дэмакратыі, адмовіцца ад прымусовага прыняцця праектаў, рознагалоссі вакол якіх паміж бакамі не будуць ліквідаваны.

Ван Мінь адзначыў, што члены СБ нясуць агульную адказнасць за захаванне міру і бяспекі на планеце. Усе краіны-члены Савета бяспекі павінны мець дастатковы час для вывучэння праектаў рэзалюцый або праектаў заяў старшыні савета, правесці дбайныя перамовы і кансультацыі для дасягнення шырокага кансенсусу і захавання згуртаванасці савета, а праекты, вакол якіх усё яшчэ існуюць сур'ёзныя рознагалоссі, не павінны прымацца ў прымусовым парадку.

У Статуце ААН прадугледжваецца, адзначыў ён далей, што СБ нясе галоўную адказнасць за захаванне міру і бяспекі на планеце, а таксама прадугледжваюцца абавязацельствы іншых органаў ААН. Усе органы ААН павінны выканаць свае абавязацельствы, СБ павінен у адпаведнасці са Статутам ААН засяродзіць энергію і намаганні на ўрэгуляванні ключавых праблем. - Р -