Вёска раскінулася на горным схіле, і таму, калі ходзіш па яе вуліцах, заўсёды або падымаешся ўверх, або спускаешся ўніз. Дзеля большай зручнасці ўсе вуліцы забрукаваныя.

У вёсцы няма гасцініц, а толькі некалькі гасцявых дамоў. Зняць пакой на чацвярых каштуе 80 юаняў за суткі. Умовы больш чым сціплыя – апрача ложкаў, у пакоі нічога няма, усе выгоды на вуліцы. Таксама неабходна выконваць некаторыя незвычайныя мясцовыя правілы. Напрыклад, пастаяльцам не дазволяць спаць на адным ложку, нават мужу і жонцы. Гэта будзе вялікай абразай для гаспадароў. Меню гасцям не прапаноўваюць – на стол падаюць тое, што гаспадыня гатуе для сваёй сям'і. Вячэра з 7 страў каштуе 40 юаняў, локшына і варанае яйка на сняданак – усяго ў 5 юаняў.