У цэнтры Ландэ знаходзіцца круглая «барабанная плошча» – месца грамадскіх сходаў. Тут жыхары адзначаюць нацыянальныя святы. Менавіта ў святочныя дні ў Ландэ больш за ўсё турыстаў, бо ў гэты час жыхары вёскі апранаюць самае прыгожае адзенне і выконваюць нацыянальныя танцы.

Мяа знакамітыя самабытным нацыянальным адзеннем і сярэбранымі ўпрыгажэннямі. Жанчын у Ландэ называюць «мяа ў доўгіх спадніцах». Праўда, у нашы дні доўгія спадніцы носяць толькі прадстаўніцы старэйшага пакалення. Дзяўчаты звычайна ходзяць у штанах. Відаў прычосак таксама некалькі дзясяткаў. Што тычыцца мужчын, то яны выглядаюць больш сучасна.