Прэм'ер-міністр Грэцыі Антоніс Самарас спецыяльна прыляцеў з Афін, каб прывітаць старшыню КНР у аэрапорце "Дыягорас".
Сі Цзіньпін заявіў, што Кітай і Грэцыя з'яўляюцца старажытнымі цывілізацыямі, іх традыцыйная дружба мае доўгую гісторыю, паміж народамі дзвюх краін заўсёды існуе паразуменне і падтрымка. Спецыяльны прыём прэм'ер-міністра ў поўнай меры адлюстроўвае сяброўства паміж кітайскім і грэчаскім народамі і значную ўвагу, нададзеную грэчаскім бокам адносінам паміж краінамі. Па меры паляпшэння эканамічнага становішча Грэцыі кітайскі бок гатовы працягваць прадастаўляць ёй пасільную дапамогу, умацоўваць узаемавыгаднае супрацоўніцтва паміж бакамі і пастаянна прасоўваць ўсебаковае стратэгічнае партнёрства.
А. Самарас цёпла прывітаў Сі Цзіньпіна на тэрыторыі Грэцыі і адзначыў, што Кітай і Грэцыя з'яўляюцца добрымі сябрамі і партнёрамі, урад і народ Грэцыі з радасцю вітаюць старшыню КНР і жадаюць яму паспяховага візіту па лацінаамерыканскіх краінах.