Кітайцы адкрылі для сябе марожанае даўным-даўно. І хаця дакладнай даты вытворчасці першай порцыі марожанага ніхто не ведае, згадкі пра ледзяныя дэсерты з'явіліся ўжо ў часы праўлення дынастыі Усходняя Хань (I-III ст.). У тыя гады ў палац імператара рэгулярна пастаўляўся лёд, які здабываўся ў гарах. У палацы гэты лёд дапаўнялі рознымі фруктовымі сіропамі. Існаваў нават адмысловы від посуду для захоўвання выключна "марожанага".

Шмат пазней наш добры знаёмы Марка Пола падчас свайго знаходжання ў Кітаі першым з еўрапейцаў паспрабаваў гэты дзіўны кітайскі дэсерт. Дэсерт яму вельмі спадабаўся. Марка Пола, нікому нічога не кажучы, запазычыў сакрэтны рэцэпт гэтага дэсерту і прывёз яго ў Італію.