Раман Мышкоўскі, карэспандэнт Беларускай рэдакцыі МРК

У Кітаі зараз стаіць невыносная гарачыня – перыяд, які па месячным календары называецца "вялікая спёка", а па грыгарыянскім адпавядае інтэрвалу ад 24 чэрвеня да 7 жніўня. Яшчэ гэта час высокай вільготнасці з-за праліўных дажджоў. Паўсюль – у метро, офісах, крамах, таксі – на поўную магутнасць працуюць кандыцыянеры. Але нават у спёку людзі атрымліваюць асалоду ад жыцця, і менавіта ў перыяд летняй спёкі на рынках – велізарная колькасць садавіны.

У кітайскай традыцыйнай медыцыне садавіна выкарыстоўваецца шырока. Некаторыя фрукты вельмі папулярныя і ў Беларусі. Але, ужываючы іх, нашы суайчыннікі, напэўна, і не здагадваюцца, што кожны фрукт – не толькі крыніца вітамінаў, але і "лекавы" сродак.