Падчас цырымоніі першай прычоскі дзяўчыне даводзілася пераапранацца: стракатае адзенне падлетка, якое яна насіла да дня паўналецця, мянялі на парадныя шэньі (深衣), халаты з шырокімі рукавамі. "Дарослае адзенне" было больш стрыманых тонаў і вызначалася высакароднай вытанчанасцю. Арыстакратка ў белым шэньі на малюнку – Дзяачань, знакамітая прыгажуня эпохі Трохцарства, адна з чатырох найпрыгажэйшых жанчын старажытнасці.

Пасля паўналецця дзяўчыне адкрываўся доступ да разнастайных складаных прычосак з выкарыстаннем розных аксесуараў, хаця базавым усё ж заставаўся звычайны вузел з валасоў цзёў (鬏) з заколкай фацзань (发簪) або цзаньцзы (簪子). Але тут трэба сёе-тое патлумачыць і пагаварыць ужо не пра жанчын, а пра мужчын.