Многія працы У Цзіньляна ўручаліся ў якасці падарункаў кітайскімі кіраўнікамі кіраўнікам дзяржаў і палітычным дзеячам замежных краін, у тым ліку, былому прэзідэнту ЗША Дж. Бушу старэйшаму, былому прэм'еру Вялікабрытаніі Тоні Блэру, былому прэзідэнту Рэспублікі Карэя Лі Мен Баку і інш. Яго працы вывешаны ў дзяржаўнай рэзідэнцыі Кітая "Чжуннаньхай", маўзалеі Маа Цзэдуна, Доме народных сходаў, будынку МЗС. Карціны мастака таксама захоўваюцца ў калекцыянераў дзесяткаў краін свету.

У Цзіньлян - ураджэнец ўсходне-кітайскай правінцыі Шаньдун. У маладосці служыў у арміі. Сваю творчую дзейнасць пачаў у 70- х гг. мінулага стагоддзя пасля паступлення ў Цэнтральную акадэмію мастацтваў.